STAD AR BOBLAÑS E BREIZH
Eus embannadurioù an I.N.S.E.E., ensavadur gall ar stadegoù hag ar studioù armerzhel, e tennomp ar sifroù-mañ :
Kendreiñ hollek ar boblañs e Breizh.
Departamantoù Niver ar boblañs e miliadoù
01 01 64 01 01 65 01 01 66 01 01 67
22 501,4 500,4 499,0 498,4
29 754,6 755,4 755,7 755,8
35 624,5 628,0 631,4 633,1
44 822,9 832,5 840,1 848,2
56 533,5 533,6 533,6 533,6
Breizh 3 236,9 3 249,9 3 259,8 3 269,1
Kefridiel eo ar sifroù-mañ evit ar bloazioù 1964 ha 1965 hepken .
Dre an daolenn eus kendreiñ poblañs Vreizh war dri bloavezh e tiverzomp un nebeut devoudoù :
– kresket eo poblañs hor bro eus 32 200 annezad en ur ober tri bloaz ; he feur-kreskiñ zo bet 3,03 ‰ (goût a ouzer emañ feur-kreskiñ broioù all Kornogeuropa e-tro 10 ‰) ;
– un departamant zo war zigresk niver e boblañs :
22 : – 3 000
– daou zepartamant zo peuzdigemm o foblañs :
56 : + 100
29 : + 1 200
– daou zepartamant zo war-gresk o foblañs :
35 : + 8 600
44 : + 25 300 ;
– mar seller ouzh ar Ranndir Steuñvel Bretagne (R.S.B.), eleze ar pevar departamant 22,29,35,56, e stader ez eo tremenet ar boblañs eus 2 414 000 da 2 420 900, da lavarout eo ez eo kresket eus 6 900 annezad dindan dri bloaz, kement ha diouzh ur feur-kreskiñ 0,9 ‰.
E-keit-se, ez emdroe poblañs Frañs eus 48 134 400 da 49 650 200, da lavarout eo e kreske eus 1 515 800 ann., kement ha diouzh ur feur-kreskiñ 10,1 ‰.
Notomp ez eo feur-kreskiñ poblañs an departamant 44 par da 10,2 ‰.
An dudegezh e Breizh a oa 95,9 ann./km2 d’ar 01 01 67.
An dudegezh e Frañs a oa 90,2 ann./km2 d’ar 01 01 67.
Kendreiñ remziel ar boblañs e Breizh.
1964 (a) 1965 (a) 1966 (b) 1967 (b)
Genel
22 8 672 8 443 8 199 8 073
29 13 333 12 919 13 681 13 513
35 12 004 12 089 12 860 12 688
44 16 884 16 041 16 569 16 863
56 10 079 9 887 9 584 9 477
Mervel
22 6 186 6 627 6 613 6 437
29 8 732 9 466 9 432 9 119
35 6 847 6 943 7 181 7 124
44 8 596 9 047 9 114 8 812
56 6 418 6 796 6 718 6 391
Emgresk
22 2 486 1 816 1 578 1 636
29 4 601 3 453 4 249 4 394
35 5 157 5 146 5 679 5 564
44 8 288 6 994 7 455 8 051
56 3 661 3 091 2 866 3 086
Breizh 24 193 19 530 21 827 22 731
(a) sifroù kefridiel, diwar niveriñ ; (b) sifroù jedet da c’hortoz1.
Feur-emgreskiñ ar boblañs vreizhat, da lavarout eo an diforc’h etre feur-genel ha feur-mervel hep derc’hel kont eus an treuztiriañ (divroañ, enbroañ), zo bet 6,7 ‰ e-pad an tri bloaz 1964,65,66.
Un nebeut evezhiadennoù a c’haller ober :
– ganet ez eus bet 65 550 bugel en hor bro en tri bloavezh 1964, 65,66 ; feur-emgresk ar boblañs vreizhat zo bet enta 6,7 ‰ ;
– an diforc’h etre ar c’hendreiñ hollek (+ 3,03 ‰) hag ar c’hendreiñ remziel (+ 6,7 ‰) a ro muzul ar c’hendreiñ egorel pe dreuztiriañ (– 3,67 ‰) : dre bep 100 bugel ganet e Breizh ez eus 50 den o tivroañ. Tud yaouank en oad da c’henel eo peurliesañ an divroerion ; ar vugale a c’hanont er-maez eus ar vro a zeu da greskiñ ar c’holl boblañs. Dre ma ne c’haller ket lakaat ar vugale-se e kont er c’hendreiñ remziel, e ranker sellout ar feur-emgreskiñ 6,7 ‰ izeloc’h eget feur-emgreskiñ gwirion ar boblañs ganet er vro ;
– an departamant ma emañ saviad ar boblañs en e washañ eo 22 : e tri bloaz ez eus bet ganet 5 880 bugel ennañ, ha war un dro ez eo digresket ar boblañs eus 3 000 annezad ; da lavarout eo, dre bep 100 bugel ganet en departamant-se ez eus 150 den o tivroañ. Da heul ivez e tigresk ennañ reoliek ar feur-genel evel ma c’haller stadañ war an daolenn diaraok.
E-keit-se, e oa ganet e Frañs 1 001 463 a vugale, hag e oa dre-se ar feur-emgreskiñ par da 6,9 ‰. Ar c’hendreiñ hollek a oa evelkent 10,1 ‰, pezh a ziskouez ur c’hendreiñ egorel muiel (+ 3,2 ‰).
Emsav 10. Here 1967
